Zahmawh "thianghliam"

Kan u ber fapa Mansaliana hi a naupan laia sipai lena an awm lai chuan a tap hi nu leh pa hnena zualka a hrat khawp mai a. Tum khat pawh a nuin a han vel a. A hnuah chuan a nu chuan a thlem leh ta a. A tap han bang chuan, "Ka nu," a han ti a. A nu chuan, "Eeih," a lo ti a. Mana chuan, "I e, ka nu'n min vel," tiin a lo zualko ta talh a ni. A lo leikan deuh hnu pawh hian nuih tiza thei tak a ni. Tum khat pawh, "Zahmawh ka han sawi teh ang," a tia, a dak ta zung zung mai a. "Chakai ka khawrh a, a nuchhudam lek lek pawh ka man zel. Ka nauban hual chu likdumdial a ni. Makpazangkang par hi a mawi hle mai. Ka kahpup hmuamin ka dangmawn a dawt," tiin a chham zung zung mai a ni.

Posted in: Fiamthu.